കേരള ധനകാര്യ കോർപ്പറേഷൻ
അവസാനമായി പുതുക്കിയത്: 17.10.2026

1. ആമുഖം

കേരള ഫിനാൻഷ്യൽ കോർപ്പറേഷൻ (ഇനിമുതൽ “കോർപ്പറേഷൻ” എന്ന് പരാമർശിക്കുന്നു) അതിന്റെ ഔദ്യോഗിക വെബ്‌സൈറ്റ് സന്ദർശിക്കുന്നവരുടെ സ്വകാര്യത മാനിക്കുന്നതിനും വെബ്‌സൈറ്റിലൂടെയും അനുബന്ധ ഓൺലൈൻ സേവനങ്ങളിലൂടെയും കൈകാര്യം ചെയ്യുന്ന വ്യക്തിഗത വിവരങ്ങൾ സംരക്ഷിക്കുന്നതിനും പ്രതിജ്ഞാബദ്ധമാണ്.

ഈ സ്വകാര്യതാ നയം ശേഖരിക്കപ്പെടാവുന്ന വിവരങ്ങളുടെ വിഭാഗങ്ങൾ, അത്തരം വിവരങ്ങൾ ഉപയോഗിക്കുന്നതിന്റെ ഉദ്ദേശ്യങ്ങൾ, അവ വെളിപ്പെടുത്താവുന്ന സാഹചര്യങ്ങൾ, കൂടാതെ വിവരങ്ങൾ കൈകാര്യം ചെയ്യുമ്പോൾ കോർപ്പറേഷൻ സ്വീകരിക്കുന്ന സുരക്ഷാ നടപടികൾ എന്നിവ വിശദീകരിക്കുന്നു.

വിവര സംരക്ഷണം, വിവരസാങ്കേതികവിദ്യ, സൈബർ സുരക്ഷ, കോർപ്പറേഷന്റെ പ്രവർത്തനം എന്നിവയുമായി ബന്ധപ്പെട്ട് ബാധകമായ നിയമങ്ങൾക്കും ചട്ടങ്ങൾക്കും വിധേയമായാണ് ഈ നയം വ്യാഖ്യാനിക്കേണ്ടത്.

2. Scope of the Policy

കോർപ്പറേഷന്റെ ഔദ്യോഗിക വെബ്‌സൈറ്റിലൂടെയും അനുബന്ധ ഓൺലൈൻ സൗകര്യങ്ങളിലൂടെയും കൈകാര്യം ചെയ്യുന്ന വ്യക്തിഗത വിവരങ്ങൾക്ക് ഈ നയം ബാധകമാണ്. അഭിപ്രായ ഫോമുകൾ, ബന്ധപ്പെടാനുള്ള ഫോമുകൾ, മറ്റ് സംവേദനാത്മക സംവിധാനങ്ങൾ എന്നിവയിലൂടെ സന്ദർശകർ സ്വമേധയാ നൽകുന്ന വിവരങ്ങളും ഇതിൽ ഉൾപ്പെടുന്നു.

3. ഞങ്ങൾ ശേഖരിക്കുന്ന വിവരങ്ങൾ

വ്യക്തിഗത വിവരങ്ങൾ നൽകാതെ തന്നെ സന്ദർശകർക്ക് സാധാരണയായി വെബ്‌സൈറ്റിൽ പൊതുവായി ലഭ്യമായ വിവരങ്ങൾ ആക്‌സസ് ചെയ്യാവുന്നതാണ്.

ഉപയോഗിക്കുന്ന വെബ്‌സൈറ്റ് സേവനത്തിന്റെ സ്വഭാവമനുസരിച്ച്, കോർപ്പറേഷൻ താഴെപ്പറയുന്ന വിഭാഗങ്ങളിൽപ്പെട്ട വിവരങ്ങൾ ശേഖരിച്ചേക്കാം:

a. സാങ്കേതിക വിവരങ്ങൾ: വെബ്‌സൈറ്റിന്റെ നടത്തിപ്പ്, സുരക്ഷ, സാങ്കേതിക തകരാറുകൾ പരിഹരിക്കൽ, ഉപയോഗരീതികളുടെ വിശകലനം എന്നിവയ്ക്കായി IP വിലാസം, ബ്രൗസറിന്റെ തരം, ഓപ്പറേറ്റിംഗ് സിസ്റ്റം, ആക്‌സസ് ചെയ്ത സമയം, സന്ദർശിച്ച പേജുകൾ, സാങ്കേതിക രേഖകൾ തുടങ്ങിയ വിവരങ്ങൾ സ്വയമേവ രേഖപ്പെടുത്തിയേക്കാം.

b. സ്വമേധയാ നൽകുന്ന വിവരങ്ങൾ: സന്ദർശകർ അഭിപ്രായ ഫോമുകൾ, അന്വേഷണങ്ങൾ അല്ലെങ്കിൽ മറ്റ് ആശയവിനിമയ മാർഗങ്ങൾ വഴി വിവരങ്ങൾ സമർപ്പിക്കുമ്പോൾ, ബാധകമായ സാഹചര്യങ്ങളിൽ അവരുടെ പേര്, ഇമെയിൽ വിലാസം, ബന്ധപ്പെടാനുള്ള വിവരങ്ങൾ, പദവി, സ്ഥാപനം, ആശയവിനിമയത്തിന്റെ ഉള്ളടക്കം എന്നിവ കോർപ്പറേഷൻ ശേഖരിച്ചേക്കാം.

c. സേവനവുമായി ബന്ധപ്പെട്ട വിവരങ്ങൾ: തിരിച്ചറിയൽ വിവരങ്ങളോ അധിക വിവരങ്ങളോ ആവശ്യമായ ഓൺലൈൻ സൗകര്യങ്ങൾ സന്ദർശകർ ഉപയോഗിക്കുന്ന സാഹചര്യത്തിൽ, പ്രസ്തുത സൗകര്യത്തിന്റെ ആവശ്യങ്ങൾക്കായി ബന്ധപ്പെട്ട വിവരങ്ങൾ ശേഖരിക്കുകയും കൈകാര്യം ചെയ്യുകയും ചെയ്യാം. ഇത് ബാധകമായ അറിയിപ്പുകൾക്കും നിബന്ധനകൾക്കും നിയമപരമായ ആവശ്യകതകൾക്കും വിധേയമായിരിക്കും.

ബന്ധപ്പെട്ട ആവശ്യങ്ങൾക്ക് ന്യായമായും ആവശ്യമായതും ബാധകമായ നിയമപ്രകാരം അനുവദനീയവുമായ വിവരങ്ങൾ മാത്രം ശേഖരിക്കാൻ കോർപ്പറേഷൻ പരമാവധി ശ്രദ്ധിക്കുന്നതാണ്.

4. വിവരശേഖരണത്തിന്റെയും ഉപയോഗത്തിന്റെയും ഉദ്ദേശ്യങ്ങൾ

വെബ്‌സൈറ്റിലൂടെ ശേഖരിക്കുന്ന വിവരങ്ങൾ, ബാധകമായ സാഹചര്യങ്ങളിൽ, താഴെപ്പറയുന്ന ആവശ്യങ്ങൾക്കായി ഉപയോഗിക്കാം:

1. കോർപ്പറേഷന്റെ സേവനങ്ങൾ, പദ്ധതികൾ, പ്രവർത്തനങ്ങൾ എന്നിവ സംബന്ധിച്ച വിവരങ്ങൾ നൽകുന്നതിന്.
2. സന്ദർശകർ സമർപ്പിക്കുന്ന അന്വേഷണങ്ങൾക്കും അഭിപ്രായങ്ങൾക്കും അഭ്യർത്ഥനകൾക്കും മറുപടി നൽകുന്നതിന്.
3. വെബ്‌സൈറ്റിന്റെ പ്രവർത്തനക്ഷമത, പ്രവേശനക്ഷമത, കാര്യക്ഷമത എന്നിവ നിലനിർത്തുന്നതിനും മെച്ചപ്പെടുത്തുന്നതിനും.
4. വെബ്‌സൈറ്റിന്റെ ഉപയോഗം നിരീക്ഷിക്കുന്നതിനും സാങ്കേതിക പ്രശ്നങ്ങൾ കണ്ടെത്തുന്നതിനും.
5. അനധികൃത പ്രവേശനം, വഞ്ചനാപരമായ പ്രവർത്തനങ്ങൾ, ദുരുപയോഗം, സൈബർ സുരക്ഷാ സംഭവങ്ങൾ എന്നിവ കണ്ടെത്തുന്നതിനും തടയുന്നതിനും.
6. ബാധകമായ നിയമപരവും നിയന്ത്രണപരവുമായ വ്യവസ്ഥകൾ, കോടതി ഉത്തരവുകൾ, സർക്കാർ നിർദ്ദേശങ്ങൾ എന്നിവ പാലിക്കുന്നതിന്.
7. നിയമാനുസൃതവും ബന്ധപ്പെട്ട വ്യക്തിയെ ഉചിതമായി അറിയിച്ചിട്ടുള്ളതുമായ മറ്റ് ആവശ്യങ്ങൾക്കായി.

ബാധകമായ നിയമപരമായ ആവശ്യകതകൾക്ക് വിരുദ്ധമായ രീതിയിൽ വ്യക്തിഗത വിവരങ്ങൾ ബന്ധമില്ലാത്ത മറ്റ് ആവശ്യങ്ങൾക്കായി ഉപയോഗിക്കുന്നതല്ല.

5. കുക്കികളും സമാന സാങ്കേതികവിദ്യകളും

വെബ്‌സൈറ്റിന്റെ അടിസ്ഥാന പ്രവർത്തനങ്ങൾ സുഗമമാക്കുന്നതിനും സുരക്ഷ ഉറപ്പാക്കുന്നതിനും വെബ്‌സൈറ്റിന്റെ ഉപയോഗം വിശകലനം ചെയ്യുന്നതിനും (അത്തരം സംവിധാനങ്ങൾ നിലവിലുണ്ടെങ്കിൽ) കുക്കികളോ സമാന സാങ്കേതികവിദ്യകളോ വെബ്‌സൈറ്റ് ഉപയോഗിച്ചേക്കാം.

ബ്രൗസറിന്റെ ക്രമീകരണങ്ങളിലൂടെ സന്ദർശകർക്ക് കുക്കികൾ നിയന്ത്രിക്കുകയോ പ്രവർത്തനരഹിതമാക്കുകയോ ചെയ്യാം. എന്നാൽ, ഇതിന്റെ ഫലമായി വെബ്‌സൈറ്റിലെ ചില സവിശേഷതകൾ ശരിയായി പ്രവർത്തിക്കാതിരിക്കാം.

6. വിവരങ്ങൾ പങ്കിടലും വെളിപ്പെടുത്തലും

കോർപ്പറേഷൻ വ്യക്തിഗത വിവരങ്ങൾ മൂന്നാം കക്ഷികൾക്ക് വിൽക്കുന്നതല്ല.

ആവശ്യമായ സാഹചര്യങ്ങളിലും നിയമപരമായി അനുവദനീയമായ പരിധിയിലും, താഴെപ്പറയുന്ന സാഹചര്യങ്ങളിൽ വ്യക്തിഗത വിവരങ്ങൾ വെളിപ്പെടുത്തുകയോ മറ്റുള്ളവർക്ക് ലഭ്യമാക്കുകയോ ചെയ്യാം:

1. കോർപ്പറേഷൻ ചുമതലപ്പെടുത്തിയ വെബ്‌സൈറ്റ് ഹോസ്റ്റിംഗ്, പരിപാലനം, സാങ്കേതിക പിന്തുണ, സുരക്ഷ തുടങ്ങിയ സേവനങ്ങൾ നൽകുന്ന അംഗീകൃത സേവനദാതാക്കൾക്ക്, അവർക്കു നൽകിയിട്ടുള്ള സേവനങ്ങൾ നിർവഹിക്കുന്നതിന് ആവശ്യമായ പരിധിയിൽ വിവരങ്ങൾ കൈമാറാം.
2. ബാധകമായ നിയമങ്ങളോ നിയമാനുസൃതമായ നിർദ്ദേശങ്ങളോ പ്രകാരം വിവരങ്ങൾ വെളിപ്പെടുത്തേണ്ടതോ വെളിപ്പെടുത്താൻ അനുമതിയുള്ളതോ ആയ സാഹചര്യങ്ങളിൽ, അധികാരപരിധിയുള്ള കോടതികൾ, നിയമപരമായ അധികാരികൾ, നിയന്ത്രണ ഏജൻസികൾ, നിയമപാലന ഏജൻസികൾ, സർക്കാർ അധികാരികൾ എന്നിവർക്ക് വിവരങ്ങൾ കൈമാറാം.
3. നിയമപരമായ അവകാശവാദങ്ങൾ ഉന്നയിക്കുന്നതിനും അവ നടപ്പിലാക്കുന്നതിനും പ്രതിരോധിക്കുന്നതിനും അല്ലെങ്കിൽ ബാധകമായ നിയമപ്രകാരം അനുവദനീയമായ മറ്റ് നിയമാനുസൃത ആവശ്യങ്ങൾക്കുമായി ആവശ്യമായ സാഹചര്യങ്ങളിൽ വിവരങ്ങൾ കൈമാറാം.

അംഗീകൃത സേവനദാതാക്കൾ ഉചിതമായ രഹസ്യസ്വഭാവം, സുരക്ഷ, വിവരസംരക്ഷണം എന്നിവ സംബന്ധിച്ച ബാധ്യതകൾ പാലിക്കുന്നുണ്ടെന്ന് ഉറപ്പാക്കാൻ കോർപ്പറേഷൻ പരമാവധി ശ്രദ്ധിക്കുന്നതാണ്.

വ്യക്തിഗത വിവരങ്ങൾ വെളിപ്പെടുത്തുന്നതും കൈകാര്യം ചെയ്യുന്നതും ബാധകമായ നിയമപരമായ ആവശ്യകതകൾക്കും ബന്ധപ്പെട്ട വിവരങ്ങളുടെ സ്വഭാവത്തിന് അനുയോജ്യമായ സുരക്ഷാ നടപടികൾക്കും വിധേയമായിരിക്കും.

7. വിവരസുരക്ഷ

വ്യക്തിഗത വിവരങ്ങൾ അനധികൃതമായി കൈവശപ്പെടുത്തൽ, വെളിപ്പെടുത്തൽ, മാറ്റം വരുത്തൽ, നഷ്ടപ്പെടൽ, നശിപ്പിക്കൽ എന്നിവയിൽ നിന്ന് സംരക്ഷിക്കുന്നതിനായി യുക്തിസഹമായ സാങ്കേതികവും സംഘടനാപരവുമായ സുരക്ഷാ നടപടികൾ സ്വീകരിക്കാൻ കോർപ്പറേഷൻ പരമാവധി ശ്രദ്ധിക്കുന്നതാണ്.

നിയമാനുസൃതമായ ആവശ്യങ്ങൾക്കായി വ്യക്തിഗത വിവരങ്ങൾ ലഭ്യമാക്കേണ്ട അംഗീകൃത ജീവനക്കാർക്കും സേവനദാതാക്കൾക്കും മാത്രമായി അത്തരം വിവരങ്ങളിലേക്കുള്ള പ്രവേശനം ആവശ്യാനുസരണം പരിമിതപ്പെടുത്തുന്നതാണ്.

ഈ സുരക്ഷാ നടപടികൾ നിലവിലുണ്ടെങ്കിലും, ഇലക്ട്രോണിക് വിവര കൈമാറ്റം, സംഭരണം, സംസ്കരണം എന്നിവ പൂർണ്ണമായും സുരക്ഷിതമാണെന്ന് ഉറപ്പുനൽകാനാവില്ല. ബാധകമായ നിയമപരമായ ആവശ്യകതകൾക്കും നിലവിലുള്ള നടപടിക്രമങ്ങൾക്കും അനുസൃതമായി സുരക്ഷാ വീഴ്ചകൾ കൈകാര്യം ചെയ്യുന്നതാണ് കോർപ്പറേഷൻ.

8. വിവരങ്ങളുടെ സൂക്ഷിപ്പും നീക്കം ചെയ്യലും

ശേഖരിച്ച വ്യക്തിഗത വിവരങ്ങൾ അവ ശേഖരിച്ച ആവശ്യങ്ങൾ നിറവേറ്റുന്നതിന് ആവശ്യമായ കാലയളവിൽ മാത്രമേ സൂക്ഷിക്കുകയുള്ളൂ. എന്നാൽ, ബാധകമായ നിയമങ്ങൾ, ചട്ടങ്ങൾ, രേഖകൾ സൂക്ഷിക്കേണ്ടതിനുള്ള വ്യവസ്ഥകൾ, നിയമാനുസൃത നിർദ്ദേശങ്ങൾ എന്നിവ പ്രകാരം ആവശ്യപ്പെടുകയോ അനുവദിക്കുകയോ ചെയ്യുന്ന പക്ഷം, അതിലും കൂടുതൽ കാലയളവിലേക്ക് വിവരങ്ങൾ സൂക്ഷിക്കാവുന്നതാണ്.

വിവരങ്ങൾ സൂക്ഷിക്കേണ്ട കാലാവധി അവസാനിച്ചാൽ, അവ സംരക്ഷിച്ചുവയ്ക്കണമെന്ന നിയമാനുസൃതമായ നിർദ്ദേശങ്ങളൊന്നും നിലവിലില്ലാത്ത പക്ഷം, ബാധകമായ നിയമപരമായ വ്യവസ്ഥകൾക്കനുസൃതമായി വ്യക്തിഗത വിവരങ്ങൾ സുരക്ഷിതമായി നീക്കം ചെയ്യുകയോ വ്യക്തികളെ തിരിച്ചറിയാൻ കഴിയാത്ത വിധത്തിൽ മാറ്റുകയോ മറ്റ് ഉചിതമായ നടപടികൾ സ്വീകരിക്കുകയോ ചെയ്യുന്നതാണ്.

9. മൂന്നാം കക്ഷി വെബ്‌സൈറ്റുകൾ

സന്ദർശകരുടെ സൗകര്യാർത്ഥം, കോർപ്പറേഷന്റെ വെബ്‌സൈറ്റിൽ മൂന്നാം കക്ഷികൾ പ്രവർത്തിപ്പിക്കുന്ന മറ്റ് വെബ്‌സൈറ്റുകളിലേക്കോ ഓൺലൈൻ സേവനങ്ങളിലേക്കോ ഉള്ള ലിങ്കുകൾ ഉൾപ്പെട്ടേക്കാം.

അത്തരം വെബ്‌സൈറ്റുകൾക്ക് അവരുടേതായ സ്വകാര്യതാ നയങ്ങളും ഉപയോഗ നിബന്ധനകളും ഉണ്ടായിരിക്കാം. മൂന്നാം കക്ഷികളുടെ സ്വകാര്യതാ നടപടികളിൽ കോർപ്പറേഷന് നിയന്ത്രണമില്ല. അതിനാൽ, വ്യക്തിഗത വിവരങ്ങൾ നൽകുന്നതിന് മുമ്പ് ബന്ധപ്പെട്ട നിബന്ധനകൾ പരിശോധിക്കാൻ സന്ദർശകരോട് നിർദ്ദേശിക്കുന്നു.

ഈ വ്യവസ്ഥ, കോർപ്പറേഷന്റെയോ അതിന്റെ അംഗീകൃത സേവനദാതാക്കളുടെയോ സ്വന്തം പ്രവർത്തനങ്ങളുമായി ബന്ധപ്പെട്ട് ബാധകമായ നിയമപ്രകാരം ഉണ്ടായേക്കാവുന്ന ഉത്തരവാദിത്തങ്ങളെ ഒഴിവാക്കുന്നതല്ല.

10. പരാതിപരിഹാരവും ബന്ധപ്പെടാനുള്ള വിവരങ്ങളും

ഈ സ്വകാര്യതാ നയവുമായി ബന്ധപ്പെട്ടോ വ്യക്തിഗത വിവരങ്ങൾ കൈകാര്യം ചെയ്യുന്നതുമായി ബന്ധപ്പെട്ടോ ഉള്ള അന്വേഷണങ്ങളോ അഭ്യർത്ഥനകളോ പരാതികളോ താഴെപ്പറയുന്ന വിലാസത്തിൽ സമർപ്പിക്കാവുന്നതാണ്:

ചുമതലപ്പെടുത്തിയ ഉദ്യോഗസ്ഥൻ: DGM (IT)

വകുപ്പ്: ഐടി

ഇമെയിൽ: it@kfc.org

തപാൽ വിലാസം: കേരള ഫിനാൻഷ്യൽ കോർപ്പറേഷൻ, വെള്ളയമ്പലം, തിരുവനന്തപുരം.

ബാധകമായ നിയമങ്ങൾ പ്രകാരം നിശ്ചയിച്ചിട്ടുള്ള സമയപരിധികൾക്കും കോർപ്പറേഷന്റെ നിലവിലുള്ള നടപടിക്രമങ്ങൾക്കും അനുസൃതമായി ഇത്തരം ആശയവിനിമയങ്ങൾക്ക് മറുപടി നൽകുന്നതിനും അവ പരിഹരിക്കുന്നതിനും കോർപ്പറേഷൻ പരമാവധി ശ്രദ്ധിക്കുന്നതാണ്.

11. വെബ്‌സൈറ്റിലെ വിവരങ്ങളുടെ പരിമിതികൾ

വെബ്‌സൈറ്റിൽ പ്രസിദ്ധീകരിക്കുന്ന വിവരങ്ങൾ പ്രധാനമായും പൊതുവായ അറിവിനും വിവരങ്ങൾ ലഭ്യമാക്കുന്നതിനുമുള്ളതാണ്. കൃത്യവും കാലികവുമായ വിവരങ്ങൾ ഉറപ്പാക്കാൻ കോർപ്പറേഷൻ പരമാവധി ശ്രദ്ധിക്കുന്നുണ്ടെങ്കിലും, അശ്രദ്ധമൂലമുള്ള പിശകുകൾ, വിവരങ്ങളുടെ അപൂർണ്ണത, താൽക്കാലിക സാങ്കേതിക തടസ്സങ്ങൾ എന്നിവ സംഭവിച്ചേക്കാം.

വെബ്‌സൈറ്റിലെ വിവരങ്ങളെ അടിസ്ഥാനമാക്കി ഇടപാടുകളിലോ തീരുമാനങ്ങളിലോ ഏർപ്പെടുന്നതിന് മുമ്പ് സന്ദർശകർ പ്രധാനപ്പെട്ട വിവരങ്ങളുടെ കൃത്യത സ്വതന്ത്രമായി ഉറപ്പുവരുത്തേണ്ടതാണ്. സേവനങ്ങൾ, പദ്ധതികൾ, സൗകര്യങ്ങൾ എന്നിവയ്ക്ക് അവയുമായി ബന്ധപ്പെട്ട നിബന്ധനകൾ, അനുമതി വ്യവസ്ഥകൾ, ഔദ്യോഗിക അറിയിപ്പുകൾ, നിയമപരമായ ആവശ്യകതകൾ എന്നിവ ബാധകമായിരിക്കും.

നിയമപ്രകാരം ഒഴിവാക്കാനോ പരിമിതപ്പെടുത്താനോ കഴിയാത്ത യാതൊരു ബാധ്യതയെയും ഉത്തരവാദിത്തത്തെയും പരിഹാരമാർഗത്തെയും ഈ നയത്തിലെ വ്യവസ്ഥകൾ ഒഴിവാക്കുകയോ പരിമിതപ്പെടുത്തുകയോ ചെയ്യുന്നതല്ല.

12. ഈ നയത്തിലെ ഭേദഗതികൾ

വെബ്‌സൈറ്റിലുണ്ടാകുന്ന മാറ്റങ്ങൾ, പ്രവർത്തനരീതികളിലെ പരിഷ്‌കാരങ്ങൾ, ബാധകമായ നിയമപരമായ ആവശ്യകതകൾ എന്നിവ പ്രതിഫലിപ്പിക്കുന്നതിനായി കോർപ്പറേഷന് ഈ സ്വകാര്യതാ നയം കാലാകാലങ്ങളിൽ പരിഷ്‌കരിക്കാവുന്നതാണ്.

പരിഷ്‌കരിച്ച നയം പുതുക്കിയ തീയതിയോടുകൂടി വെബ്‌സൈറ്റിൽ പ്രസിദ്ധീകരിക്കുന്നതാണ്.

സന്ദർശകർ ഈ നയം കാലാകാലങ്ങളിൽ പരിശോധിക്കണമെന്ന് അഭ്യർത്ഥിക്കുന്നു. എന്തെങ്കിലും ചോദ്യങ്ങളോ അഭിപ്രായങ്ങളോ ഉണ്ടെങ്കിൽ ദയവായി ഞങ്ങളുമായി ബന്ധപ്പെടുക.